काळ्या मातीत मातीत ..
गीत - विठ्ठल वाघ
संगीत - अनिल-अरुण
गायक - अनुराधा पौडवाल , सुरेश वाडकर
--------------------
काळ्या मातीत मातीत तिफण चालते
तिफण चालते तिफण चालते
वीज थयथय नाचते ढग ढोल वाजवितो
ढोल वाजवितो ढग ढोल वाजवितो
काळ्या मातीत मातीत तिफण चालते
तिफण चालते तिफण चालते
सदाशिव हाकारतो नंदी बैलाच्या जोडीला
संग पार्वती चाले ओटी बांधून पोटाला
सरीवर सरी येती, न्हाती धुती होते
कस्तुरीच्या सुवासानं भूल जीवाला पडते
भूल जीवाला पडते, वाट राघूची पाहते
राघू तिफण हाणतो मैना वाटुली पाहते
काळ्या मातीत मातीत तिफण चालते
तिफण चालते तिफण चालते
सर्जा रं माझ्या ढवळ्या रं माझ्या पवळ्या रं माझ्या आहा
झोळी झाडाला टांगून राबराबते माऊली
तिथं झोळीतल्या जीवा व्हते सारखी
अभिषेकात घामाच्या आसं देवाचं पूजन
पिकं हालती डोलती जणू करती भजन
गव्हा जोंधळ्यात तवा सोनं चांदी लकाकते
जशी चांदी लकाकते, कपाशी फुलते
काळ्या मातीत मातीत तिफण चालते
तिफण चालते तिफण चालते
चालं उनपावसाचा पाठशिवणीचा खेळ
लोणी पायाला वाटती मऊ भिजली ढेकळ
काळ्या ढेकळात डोळा हिरवं सपान पाहतो
डोळा सपान पाहतो, काटा पायात रुततो
काटा पायात रुततो हो
काटा पायांत रुतता लाल रगात सांडते
लाल रगात सांडता, हिरवं सपान फुलतं
काळ्या मातीत मातीत तिफण चालते
तिफण चालते तिफण चालते
वीज थयथय नाचते ढग ढोल वाजवितो
ढोल वाजवितो, ढग ढोल वाजवितो
काळ्या मातीत मातीत तिफण चालते
तिफण चालते तिफण चालते
तिफण चालते तिफण चालते
तिफण चालते तिफण चालते
तिफण चालते तिफण चालते
===============
Video :
~~~~~~~~~~~~~~~
No comments:
Post a Comment